Þjóðin líður

Það er hræðilegt að þjóðin þurfi að líða fyrir þessa spillingu. Það er búið að sverta alla íslendinga og við þurfum að borga brúsan. Lán og skuldir okkar sem þjóðar hafa hækkað í himnahæðir. Eins og staðan er núna lítur út fyrir að við, börnin okkar og kannski mögulega barnabörn okkar þurfa borga. 

En því miður lítur út fyrir að spillingin, eins og skuldir okkar, séu líka í himnahæðum. Fólk í öllum stöðum, öllum stórum fyrirtækjum, þingum og ríkisstjórnum er allt skylt, tengt eða bestu vinir. Það fólk sem er fengið til að endurskoða málin er nátengt fólkinu sem er verið að rannsaka. Allt gert svo allt verði áfram á huldu.

Aðstæðurnar eru þannig að vegna efnahagshrunsins, hárra stýrivaxta og alls þá eru hópuppsagnir allsstaðar. Almenn fyrirtæki hafa ekki efni á því að halda sér á floti. Fjölskyldur hafa ekki efni á því að halda sér á floti og þeim mun minni líkur á því þegar fólk getur ekki haldið vinnu sinni.

Hámennirnir eru að fela sig og gera ekki neitt til að bjarga landinu og landanum. Gera allt til að skerast undan ábyrgð. Flýja sem hugleysingja.

Það er verið að friða okkur með að hafa kosningar í vor en hvað höfum við um að kjósa. Þetta er allt sama tóbakið. Sama fólkið sem hefur verið að skipta á milli sín stöðum og ráðherrasætum. Sama spillingin. Allir fastir í reglum og reglugerðum sem halda okkur í föstum skorðum og komumst ekkert áfram.

Hvað er hægt að gera?

Númer eitt er að bjarga þegnum landsins frá barmi gjaldþrots. Ég hef kannski ekki menntun í hagfræði eða neinu svoleiðis. En fyrst það gátu nokkrir einstaklingar farið og leikið sér með peningana okkar og einnig búið til peninga sem voru ekki til og skapað þessar skuldir. Þá ætti alveg eins að vera hægt að núllstilla reikningana okkar, já eða skuldirnar okkar. Ef við eigum að ná að vinna okkur upp úr þessari þjóðarskuld þá ætti það að verða auðveldara ef skuldir heimilana og almennra fyrirtækja væri núllstillt. Fólk fengi vinnuna sína aftur. Fyrirtæki gætu byrjað aftur að ná gróða. Fólk fengi tækifæri til að stofna ný fyrirtæki, sprotafyrirtæki. Koma með nýjar hugmyndir, nýtt hugvit, nýja uppbyggingu.

Það þarf að fá nýtt fólk á þing, í ríkisstjórnina, nýja hugsun, hreina hugsun.  Það er stanslaust kvabb á alþingi en ekkert skeður. Við sem þjóð fáum engin svör.

Það er skylda okkar sem þjóð, sem samfélag, sem einstaklingar að heimta rétt okkar í þessum málum. Erum við fórnarlömb sem höfum ekkert val eða ætlum við að ætlum við að endurheimta rétt okkar á góðu lífi og að lifa í upplýstu þjóðfélagi án spillingar. Verum vakandi.

Góðan dag. 

Skoða meintar milljarðafærslur

Þá ætti nú að halda þeim

Fyrst það eru ekki efnahagskreppa hjá þeim heldur bara nýjir forstjórar að leika sér. Þá finnst mér þetta vera tími til að leyfa starfsmönnunum að halda vinnunni og gera það besta úr öllu.

Síld og fiskur segir upp fólki í Borgarnesi

Hvað ber framtíðin í skauti sér

Hvað ber framtíðin í skauti sér.

Röksýni og hagsýni.

Hvernig viljum við snúa okkur núna gagnvart framtíð okkar og Íslands?
Hvaða möguleika höfum við?
Eitt sem við þurfum að gera er að opna fyrir nýjar hugmyndir, sköpunargleðina og nýta það sem við höfum hér á landi.

Atvinnusköpun:
Það sem við þurfum nú að gera er að skapa ný störf með nýju hugviti og nýjum framleiðslum.

Álver:
Við erum með nokkur álver í landinu til að vinna ál. Álverin eru að skapa heilmörg og góð störf.
Með álinu erum við með útflutningsvöru sem færir inn gjaldeyri í landið.
En það er líka svo margt annað sem við getum með álið.
Með íslensku hugviti og hönnun getum við hannað margt sem eykur gildi álsins.
Getum nýtt álið til að gera til dæmis til að gera rafmagnsbíla.............

Sjávarútvegur:
Við höfum nú sjávarútveginn og fiskiafurðinar okkar sem hafa í gegnum árin og aldirnar verið okkar aðal lífæð og tekjulind.
En er ekki spurning um hvað er hægt að gera meira af því.
Þ.e.a.s hvort við getum ekki skapað fleiri störf við vinna afurðirnar, búa til ferska og frosna rétti.
Ýmislegt sem skilaði hagnaði við útflutning.
Svo einnig að hagnýta allt sem er þar í kring.
Eins og hönnun á fatnaði úr fiskroði og öllu affalli sem verður þar af.

Landbúnaður:
Svo höfum við náttúrulega alveg óteljandi möguleika með landbúnaðin.
Við höfum nóg af kjöti, hreinu og góðu kjöti. Við höfum lambið, hrossakjöt, nautakjöt og kjúklingin.
Við höfum nú þegar nóg fyrir íslenskan markað sem og til útflutnings.
Ef við aukum samt við framleiðsluna þá höfum við enn meir til útflutning og við getum markaðssett Ísland með hreint og gott
kjöt, delicatess.
Við höfum einnig góðar kartöflur og grænmeti. Allt mjög hreinar og góðar afurðir sprottnar í Íslenskum jarðvegi.
Við getum haft meira en nóg fyrir íslenskan markað en einnig getum við flutt mikið út.
Svo erum við með alveg ógrynni af ónýttu ræktunarlandi sem væri hægt að nota til að rækta ýmislegt annað sem er
ekki verið að rækta nú.
Nýta það land betur og nota hugvit og þekkingu til að finna réttar afurðir til þess.
Við höfum einnig hefðina og möguleikana á að auka við gróðurhúsamenninguna okkar.
Þar höfum við alveg ótrúlega möguleika á að rækta nær allt milli himins og jarðar.
Þar að auki öll þau störf sem skapast við það.

Vatn:
Hið hreina og góða íslenska vatn sem flæðir um land okkar og fjöll.
Við höfum alveg helling af möguleikum með vatnið.
Orka vatnsins, möguleikar til útflutnings.

Rafmagn:
Við höfum helling af rafmagni og orku hér á landi.
Við getum nýtt það til að skapa störf fyrir íslendinga.
Við gætum boðið erlendum fyrirtækjum að stofna útibú hér til að vinna hugbúnað, netþjóna og ýmislegt sem því tengist.
Sem og fyrir íslenst fyrirtæki og fólk með hugvit til að vinna með og stofna ýmislegt þar í kringum.

Íslenskt hugvit:
Við höfum helling af íslendingum með helling af hugmyndum og mikið hugvit.
Hvernig væri að leysa það allt úr viðjum og koma því öllu upp á yfirborðið og byrja að vinna með það.
Ný fyrirtæki, sprotafyrirtæki. Ný verkefni sem geta skapað helling af störfum.

Hönnuðir:
Hvað með alla þá hönnuði sem við höfum á Íslandi. Sem eru að hanna klæðnað, húsgöng, hús, landslag og hvaðeina fleira.
Fatahönnuðir þurfa að láta sauma og vinna vörur sínar í útlöndum vegna þess að það er of dýrt að láta gera það hér á landi.
En það væri hægt að skapa ýmis störf hér á landi við að gera það sem er hagstæðara að gera annarstaðar.
Helling af hönnuðum að hanna húsgögn en ná ekki að sjá fyrir sér eða sinna sinni vinnu vegna þess að það er svo mikið af
innfluttum húsgögnum.
Við erum að missa gjaldeyri úr landi við að flytja inn vörur og að ráða erlent vinnuafl.
Af hverju ekki að skapa aðstæður hér til að vinna vörurnar og að kaupa íslenskt.
Einnig þá að skapa aðstæður fyrir íslenska hönnuði til að geta selt vörur sínar til útflutnings.

Þetta er ekki rétti tíminn fyrir kosningar!

Nú er tími til að standa saman og vinna saman að þeim verkefnum sem fyrir okkur liggja. Ef það er kosið núna þá er bara svipað tóbak sem tekur við. Bæði ríkisstjórnin og stjórnarandstaðan á bara að draga sig aðeins til hlés og fá inn alvöru sérfræðinga, hagfræðinga og allt heila klabbið. Fá inn fólk sem hefur vit á því sem þarf að gera með efnahaginn. Það þarf ekki bara að hafa ríkistjórnina í ráðum, heldur stjórnarandstöðuna, sérfræðingana og einnig að hafa okkur fólkið með í ráðum. Þetta er jú framtíð okkar og peningar sem um er að ræða.

Opnari samskipti milli allra. Svo mætti setja meiri kröfu á fjölmiðla um að krefjast svara og greina frá öllu.

Slökum á með kosningar og förum að vinna saman, allir sem einn.

Safna undirskriftum vegna kröfu um kosningar

Hvað er í gangi?

Meðan önnur lönd eru að lækka stýrivextina til að hafa hemil á verðbólgunni þá förum við í hina áttina. Af hverju hlustum við ekki á þá sem hafa vit á málunum. Af hverju er ekki hlustað á hagfræðinga eins og Lilju Mósesdóttir sem eru með góð rök fyrir sínum málum. Það þarf að hafa vit fyrir þessa aðila sem hlusta bara á það sem þeir vilja heyra.

Stýrivextir hækkaðir um 6 prósentur

Lýðræðið við völd

Frábært að loksins er almúgin vaknaður og farinn að láta í sér heyra.  Kominn tími til að láta þessa kjörnu yfirherra heyra í okkur. Er ekki kominn tími til að hætta að kjósa einræðisherra sem gera eins og þeir vilja með smá millibili og byrja að kjósa þegna fólksins. Þegna sem hafa það starf að hugsa um hag almúgans.

 Fyrir tilstilli ríkisstjórnar, seðlabanka og fjármálaeftirlits þá er Ísland verra úti en annars nú í þessari heimskreppu. Fyrir tilstilli fólks sem hafði ekki vit á því hvað það var að gera og leyfði fáeinum útherjum að leika lausum hala með peningana okkar og gera þjóðina stórskulduga fyrir þessa kynslóð og mögulega næstu kynslóðir.  Fyrir vikið þá á eftir að vera þvílíkt atvinnuleysi fyrir okkur sem þjóð.

Ef ég, við, stöndum okkur ekki vel í vinnu, hvað gerist. Jú, við verðum rekin, missum vinnuna. Yfirmenn þjóðarinnar hafa greinilega ekki staðið sig vel í vinnunni. Hafa ekki uppfyllt þau vinnuskilyrði sem þörf var á. Sofnað á verðinum eða eitthvað. Hvað er röksamasta afleiðingin? Jú, auðvitað að þeir missi vinnuna. Vinnuna sem þeir voru kosnir í en eru ekki starfi sínu vaxnir.

Nú er timinn kominn að við stöndum saman og látum í okkur heyra því þetta snýst jú um okkur sem þjóð og þetta er okkar peningar, störf og framtíð sem þetta snýst allt um. 

Húsfyllir í Iðnó - hiti í fundargestum

Hvernig öðruvísi

Hvernig öðruvísi er hægt að ná tökum á glæpamönnum og glæpastarfssemi?

Það er kannski ekki gaman að lifa í lögregluríki eða að hafa of mikið eftirlit en hvað er annað hægt að gera til að ná tökum á glæpastarfsemi og hryðjuverkum. Auðvitað þarf þá líka að hafa eftirlit með eftirlitinu svo einkalíf okkar fari ekki alveg um þúfur. En auðvitað viljum við að skúrkarnir nái ekki að fela sig og hverfa meðal almenning meðan þeir eru að eyðinleggja líf annara. Þetta er erfitt val en hvað eigum við að gera.

 Ég er persónulega hlynntur þessu þar sem ég hef ekkert að fela og vil að framtíð ókomna kynslóða geti lifað í öryggi frá ofbeldi og glæpum. Er þetta erfitt val eða......

Fingrafaralesarar í vasa breskra lögreglumanna